Фудбалерите на Вардар денеска го одработија официјалниот тренинг во пресрет на реванш натпреварот против фински Купс во првото квалификациско коло од Лигата на шампионите.

Македонскиот шампион во реваншот ќе влезе со негатива од 2:0, откако беше поразен на првиот натпревар во Скопје, па утре го очекува тежок предизвик во обидот да го надомести заостанувањето и да остане во трката за пласман понатаму.

Дополнителен предизвик за „црвено-црните“ ќе биде и вештачката подлога на која ќе се игра натпреварот, со оглед на тоа што вардарци не се навикнати да настапуваат на таков терен. Реваншот меѓу КуПС и Вардар е закажан за утре со почеток од 17 часот, а натпреварот ќе може да се следи во директен пренос на „Арена Спорт Македонија“.