Венчавката на големиот српски пејач Тома Здравковиќ со втората сопруга се одржала во тајност, а сега случајно стигна до медиумите и беа откриени детали за кои малкумина знаеја, пишува „Стори.рс“.

Покојниот кантавтор, сакан низ целиот свет, обожаваше жени, особено една, но за жал, судбината никогаш не го спои.

Се верува дека поради платонската љубов кон колешката Силвана Арменулиќ, Тома со години трагал по „вистинската партнерка“ која ќе може да се справи со неговата ранлива душа склона кон алкохол и коцкање.

Мир прво побарал кај Олгица, со која ја има ќерката Жаклина, а набргу потоа се смирил покрај Милица Божиќ, за која мошне малку се знае.

Имено, Милица поминала само две години со Тома, а немањето желба и сила да се справи со неговите маани ја навело да раскине и да се разведе.

Подоцна повторно се омажила и родила две ќерки, благодарение на кои во јавноста стигнаа фотографиите кои најдобро сведочат за тоа како се одвивала венчавката на Тома Здравковиќ со втората сопруга.

Младенците биле исклучително млади, елегантно облечени, а најубавиот детаљ што ги красел и двајцата, била широката насмевка.

Фотографиите се црно-бели, што говори за периодот во кој се направени, а тоа што ги споделиле ќерките на невестата е доказ дека Милица никогаш не го преболела Том и дека ги задржала сите спомени од него.