Во следниот период се очекува селекторот на македонската сениорска репрезентација да го објави списокот на играчи на кои ќе смета за претстојните натпревари од новото издание во Лигата на нации.

Благоја Милевски во својот список на повикани ќе го има Бојан Димоски, така пренесува неговиот клуб ФК Академија Пандев.

Иако поради повреда го пропушти првиот дел од првенството, во пролетниот дел запиша 14 настапи, во кои постигна два гола и седум асистенции.

– Бојан Димоски доби повик за сениорската репрезентација на Македонија. По одличните настапи оваа полусезона, 20-годишниот лев бек на Академија Пандев денеска го доби својот прв повик за сениорскиот национален состав – информираа од Академија Пандев.

Во јуни нашите најдобри фудбалери ќе одиграат четири натпревари од Лигата „Ц“, првиот меч е на 2 јуни во Разград против Бугарија.

Македонија преку Лигата на нации може до бараж за ЕП 2024