Деветгодишното момче Напат Митмакорн вешто ракува со машинката за тетовирање со своите детски раце во ракавици и вешто скицира долга змија пред зачудените посетители на салон за тетовирање во Бангкок. Тој вели дека сака да стане професионален тату артист и да отвори свој салон, пренесува „Франс24“.

„Сакам да станам тату артис и да отворам свој салон. Ја сакам уметноста, па затоа сакам и тетовирање“, изјавлаи тој за „Франс24“ од својот штанд, каде што фасцинираните посетители застануваат да ги фотографираат неговите дела.

Еден посетител кој застанал покрај штандот на момчето се восхитувал на неговата прецизност ирекол дека знае дека тетовирањето не е толку лесно како цртањето на хартија. Инаку, тетовирањето е древна тајландска традиција. Бројните салони нудат секаков вид дизајни – од традиционални до помодерни.

Таткото на Напат Митмакорн, Натвут Сангтонг (38) е аматер за тетоважи и вели дека го запознал својот син со овој вид уметност за да го оддалечи од мобилниот телефон, бидејќи станал зависен од игри и не можел да се концентрира.

Сангтонг вели дека „не е само тетовирање“, туку „со текот на времето ова стана како медитација“. Таткото и синот учат за техниките на тетовирање преку упатства на Тикток и вежбаат прво на хартија, а потоа преминуваат на вештачка кожа која симулира човечка кожа и дури на крајот прават тетоважи на луѓе.

Со оглед на тоа дека уметноста била омилена тема на младиот тетоважист на училиште, неговиот татко, препознавајќи го неговиот талент, решил сега да му посвети речиси два часа дневно, три пати неделно, на неговото учење.