Деми Мур имаше впечатливо појавување на годинашните Оскари. Таа се врати на сцената на театарот „Долби“ како една од презентерките на церемонијата, а нејзиното пристигнување на црвениот тепих беше еден од најочекуваните моменти на вечерта.

Легендарната актерка прошета по црвениот тепих во спектакуларна креација од модната куќа „Гучи“. Стануваше збор за смарагдно-зелен фустан без прерамки покриен со црни и зелени пердуви што создаде драматичен ефект. Изгледот го комплетираше со накит „Бушерон“, кој вклучуваше правоаголни смарагдни обетки и сребрена нараквица. Се одлучи за класична шминка со црн ајлајнер и розови усни, а својата долга, црна коса  ја носеше во локни кои нежно ѝ паѓаа зад рамената.

Иако снима филмови повеќе од 40 години, Мур ја доби својата прва и единствена номинација за Оскар минатата година за нејзината трансформативна улога во филмот „Супстанцијата“. Наградата на крајот ѝ припадна на Мајки Медисон за „Анора“, но изведбата на Деми Мур во филмот на Корали Фаржат предизвика широка дискусија за стареењето, стандардите за убавина и самодовербата во Холивуд.

„Номинирањето за Оскар е неверојатна чест, а овие изминати неколку месеци беа над моите најлуди соништа“, рече Мур во тоа време. „Навистина нема зборови со кои целосно ќе ја изразам мојата радост и огромна благодарност за ова признание. Не само за мене, туку и за она што го претставува овој филм. Длабоко сум почестена.“

„Една битка по друга“ триумфираше на Оскарите со шест статуетки, Мајкл Б. Џордан и Џеси Бакли меѓу најголемите победници