Македонскиот репрезентативец Дарко Чурлинов преку социјалните мрежи објави дека ќе го напушти полскиот фудбалски клуб Јагелонија.

– Ти благодарам Јага за оваа сезона – стои во објавата на Чурлинов на Инстаграм.

Навивачите на полската екипа му се заблагодаруваат на нашиот играч за сиот придонес што го имаше оваа сезона.

Сезонава во полскиот шампионат Чурлинов имаше26 настапи и пет голови.

Имаше и два погодоци во Конференциската лига каде со својот клуб стигна до четвртфиналната фаза.

Чурлинов се очекува да се врати во англискиот клуб Барнли од каде замина на позајмица во Јагелонија.

И полските медиуми објавија дека Чурлинов ќе биде едно од заминувата од Јагелонија.