ФОТО | Дани Димитровска како играорка во носија, ваква не ја знаеме
Дани Димитровска изненади со фотографии во издание во какво не сме навикнати да ја гледаме.
Препорачано
На сликите пејачката е облечена во народна носија. Таа претходно најави дека ќе одржи концерт со нејзиното фолклорно друштво, а фотографиите што ги објави се од зад сцената.
Инаку, Дани пред неколку години ја преработи македонската народна песна „Каранфило, филфило моме“ во етно-џез манир, заедно со Ана Костадиновска и Сара Пројковска, која за жал загина во пожарот во Кочани на 16 март лани.
„Овој уметнички израз во синергија е подигнување на вибрацијата на македонската музика како идентитет; како љубов, спознавање и еднување“, рече Дани за првата песна од овој проект.
Дани Димитровска, која во септември лани се омажи за својот сакан Горан Веселиновски – Весел, во една прилика се отвори за својот брачен живот.
„Ние сме многу долго време заедно, живееме заедно веќе девет години, така што не мислам дека нешто е сменето, сѐ си е најнормално како што било и претходно. Баш се шегуваме на таа тема, што треба да се смени за да се почувствуваме дека сме официјално сопруг и сопруга“, рече пејачката за „Хајп“ и додаде:
„Тоа беше една забава за да заокружиме 10 години од нашето заедничко постоење. Па си рековме, кога веќе правиме забава, зошто да не биде официјално, да ги усреќиме нашите родители и така натаму“.
Со Ана на ТИ | Дани Димитровска: „Не би била добра пејачка ако не си ја отворам душата“
