Руди Гарсија денеска го објави списокот на Белгија за претстојното Светско првенство во фудбал во САД, Канада и Мексико, а првичниот впечаток е дека белгиската селекција повеќе не изгледа толку моќно како во времето на славната „златна генерација“.

Според имињата во составот, јасно е дека Белгија влегува во нова ера, поради што и очекувањата на домашната јавност се значително помали во споредба со претходните големи натпреварувања.

Сепак, иако на хартија овој тим можеби не делува импресивно како порано, Белгијците и понатаму располагаат со доволно квалитет за да им создадат проблеми и на најсилните репрезентации.

На Мундијалот, Белгија ќе настапи во групата „Г“, каде што за ривали ќе ги има Египет, Иран и Нов Зеланд.