Српскиот фудбалски клуб Партизан денеска објави дека целосно ги подмири долговите кон агентот на еден од своите поранешни играчи и дека потврдата за плаќање е проследена до надлежните дисциплински органи.

Во соопштението не се дадени никакви детали, а некои медиуми објавија дека белградскиот клуб е суспендиран, или му е забрането да регистрира нови играчи, поради барање од 50.000 евра од агентот на Хамиду Траоре.

– Вистина е дека во среда добивме потврда од УЕФА дека сме добиле на суд од агентот на Хамиду Траоре, во спор од пред три години. Тоа е долг од 50.000 евра за агентот, веројатно за провизија. Тој го пријавил тоа во УЕФА, ние ги плативме тие пари истиот ден, кога стигна пресудата – изјави претседателот на Партизан, Расим Љајиќ, за новинарот на „Моцарт Спорт“, кој е на подготовките на „црно-белите“ во Златибор.

Клубот потсети на наследената ситуација со натрупани долгови и проблеми и изјави дека секојдневно работи со правниот тим за решавање на преостанатите случаи и обврски од претходните периоди.

– Ги плативме тие пари истиот ден, нема никакви проблеми, нема забрани. Суштината е дека Партизан не е под суспензија – додаде Љајиќ.

Партизан изјави дека останува посветен на принципите на транспарентно и уредно работење и соработка со надлежните институции.