Фирмино, Нејмар, Кутињо, и на крајот само 1:1! (ВИДЕО) – Слободен печат
СпортФудбал

Фирмино, Нејмар, Кутињо, и на крајот само 1:1! (ВИДЕО)

Ниту големите фудбалски ѕвезди не помогнаа „кариоките“ во овој тест меч да слави победа на теренот во Сингапур.

„Кариоките“ поведоа после само неколку минути игра, во осмата минута Габриел Жезус добро го пронајде Роберто Фирмино по десната страна кој изби сам пред голманот на Сенегал, а со рутинска завршница го доведе Бразил во предност од 1:0.

До крајот на првото полувреме немаше посериозни шанси, иако во 40 минута можеше да има пенал за африканската репрезентација, откако еден од членовите на јужноамериканската селекција играше со рака во казнетиот простор.

Но, затоа добија пенал во 45 минута кога Маркињос го фаулираше Садио Мане, а сигурен од белата точка беше играчот на Бристол сити, Фамара Џеџу.

Во второто полувреме немаше многу возбудувања, а двете репрезентации направија неколку замени, па така мечот не го завршија Фирмино, Кутињо и Алекс Сандро.

Кај Сенегал излезе играчот на Кристал палас, Ибрахима Кујате, фудбалерот на ПСЖ, Идриса Гај, а сите 90 минути ги одигра асот на Ливерпул, Садио Мане.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close