Финска ќе одлучи дали ќе се приклучи на НАТО во наредните неколку недели, како безбедносен одговор на руската инвазија врз Украина, а одлуката е можна „во текот на оваа пролет“, пишува Фајненшл Тајмс.

Земјата може да се приклучи на трансатлантскиот воен сојуз и покрај предупредувањата за одмазда и „воените и политичките последици“ од Кремљ.

Премиерката Сана Марин изјави: „Дали ќе влеземе во НАТО или не, секако ќе се соочиме со последици“.

Финска дели 1.340 километри долга граница со Русија, најдолгата граница од која било друга членка на Европската унија.

Оваа земја остана воено неутрална, поради страв да не ја испровоцира Москва.

Зошто Путин се соочува со поголемо НАТО влијание на Арктикот по инвазијата во Украина?

Што мисли Москва на ваквиот потег на Финска?

Минатиот месец руските политичари предупредија на „сериозни воени и политички последици“ доколку Финска и Шведска се приклучат на алијансата.

Руското МНР во соопштението минатиот месец објави дека приклучувањето на Финска и Шведска во НАТО, „ќе има сериозни воени и политички последици кои ќе бараат употреба за ревидирање на целиот опсег на односите со овие земји и да преземат одмазднички мерки“.

Поддршката на Финците за пристапување во НАТО се зголеми на рекордни бројки во текот на изминатиот месец, при што најновата анкета на јавниот радиодифузен сервис Јле покажа дека 62% од испитаниците се за, а само 16% против.