Остануваат само четири дена до почетокот на Европското првенство во кошарка и сите репрезентации полека го комплетираат списокот на играчи кои ќе ги претставуваат на настанот на кој ќе настапат најдобрите репрезентации на Стариот континент.

Тоа го направи и селекторот на Финска, Ласи Туови, секако прва ѕвезда во тимот е членот на НБА тимот Јута џез, Лаури Марканен (28).

Покрај него, во ростерот на Финска се и: Миро Литл, Сасу Салин, Оливие Нкамхуа, Микаел Јантунен, Елијас Валтонен, Александар Мадсен, Едон Мајуни, Мика Муринен, Андре Густавсон и Јакоб Грандисон.

Марканен е убедливо најдобриот играч во тимот, но другите не треба да се потценуваат. Јантунен блескаше во Париз минатата сезона, што му донесе договор со европскиот шампион Фенербахче.

Тука е и капитенот и одличен шутер Салин, кој моментно игра за шпанскиот клуб Естудијантес.

Покрај Финска, во групата Б се и Германија, Литванија, Шведска, Црна Гора и Велика Британија. Во првото коло, на 27 август, Финците ќе се соочат со Швеѓаните (19.30 часот).

The hunt is on! 🐺

The host is ready for the Eurobasket! 🇫🇮#Susijengi #Eurobasket #makeyourmark @RuutuUrheilu pic.twitter.com/gRIwgt5uOU

— Basketball Finland (@basketfinland) August 22, 2025