Две болници од Скопје и една од внатрешноста заработија пријави од финансиската полиција, затоа што набавиле прескап софтвер за сметководство, за кој постојат сомнежи и индиции дека е платен над реалната цена, дознава „Слободен печат“ од свои добро упатени извори. Секоја од овие јавно-здравствени установи, софтверот, односно информацискиот систем го плаќала со баснословни суми, поточно секоја болница од државните пари искеширала 115 илјади евра.

Една од овие скопски болници, според нашите извори, добила две негативни мислења за набавката од Фондот за здравствено осигурување, но сепак раководителот продолжил со набавката. Оваа конкретна набавка со две негативни мислења од ФЗОМ се случила лани, а другите две болници софтверот го купиле претходно. Следствено, инволвирана е финансиската полиција. Истата болница купила и автомобил без одобрение на Фондот.