Турција би можела да учествува во операциите за расчистување на мини во Ормускиот теснец по евентуалниот мировен договор меѓу Иран и САД, изјави денес министерот за надворешни работи Хакан Фидан. Во изјава за новинарите во Лондон, Фидан рече дека се очекува да се формира технички тим за отстранување на мини од Ормутскиот теснец по евентуалниот договор меѓу Иран и САД.

Според него, Турција во принцип гледа позитивно на ваквите активности, како хуманитарна обврска, објави Ројтерс.

Фидан изјави дека операциите за деминирање ќе ги спроведува технички тим составен од претставници на неколку земји, кој би бил формиран по евентуалниот договор меѓу Иран и САД. Тој додаде дека Турција „нема да има проблем“ да учествува во такви операции под тие услови, но предупреди дека Анкара би можела да го преиспита својот став доколку идната техничка коалиција стане дел од евентуален нов конфликт.

Фидан, исто така, оцени дека прашањата поврзани со нуклеарната програма на Иран би можеле да се решат во следната рунда преговори во Пакистан, пренесува Политика.

Ацо Ристов ја презеде функцијата претседател на Регулаторната комисија за енергетика