Македонскиот фудбал се збогува со еден од своите најголеми ѕвезди – Васил Рингов. Легендарниот фудбалер, кој остави неизбришлива трага во Вардар и македонскиот спорт, денеска почина по кратко боледување на седумдесетгодишна возраст. Фудбалската федерација на Македонија (ФФМ) со емотивни зборови се прости од човекот кој остави неизбришлив белег во македонскиот фудбал.

„Денес не жалиме само за човек, туку за едно време на мерка, чест и достоинство.Има луѓе што не си заминуваат. Само се повлекуваат чекор наназад, за да нè гледаат од тишината.Васил Рингов беше од тие. Тивок, исправен, свој. Фудбалот за него не беше сцена, туку одговорност. Не зборуваше многу, ама кога зборуваше, имаше тежина. Кога работеше, оставаше белег.Денес останува споменот за човек кој веруваше дека делото е поважно од зборот, а чесноста посилна од секој резултат.Како што велат, некои си одат, ама остануваат во игра.Почивај во мир, драг наш Васе“, напишаа од ФФМ.

Омерагиќ се прости од Рингов: Тивко замина, ама засекогаш ќе бидеш во „играта”

Преземено од: Sport.com.mk