Првиот човек на Фудбалската федерација на Македонија, Масар Омерагиќ се прости од легендата на македонскиот фудбал Васил Рингов кој попладнево почина по кратко боледување.

„Тивко замина, ама засекогаш ќе бидеш во “играта”. Почивај во мир. Трагата останува“, напиша Омерагиќ.

Рингов е поранешен македонски и југословенски репрезентативец, еден од најдобрите фудбалери што Македонија ги имала. Фудбалската кариера ја започна во Беласица, по што настапуваше и за Партизан, Тетекс и Вардар, каде го остави најдлабокиот печат. Во вардаровиот дрес одигра над 200 лигашки натпревари и постигна 93 гола, станувајќи еден од симболите на клубот во осумдесеттите години.

Преземено од: Sport.com.mk