Во интервју за ТВ1, Обвинителката Фетаи изјави дека е свесна дека перцепцијата и угледот за Специјалното јавно обвинителство е нарушена.

– Се враќаме на едно разочарувачко празно чаршиско муабетење дека од ова ништо нема да биде. Верувам дека ќе дојде време СЈО ќе застане на пиедесталот –  рече таа.

Изјави дека сами не можат да ја донесат правдата во Македонија, дека се обраќаат до институции од каде им требаат информации.

– Нереално ќе беше да не се очекува ништо од оваа институција ако се има пред вид кој се застана зад нејзиното формирање, при тоа не мислам на домашните политички фактори. Но нереално е да се очекува дека само СЈО или трите обвинителки сами ќе ја донесат правдата во државава и сами ќе ги казнат оние што се огрешиле пред законот. Институциите во РСМ од кои треба да добиваме информации и кај кои се обраќаме и од кои се очекува да бидат верификувани дејствијата кои СЈО ги цени како криминогени, се уште не се на тој степен да може да се каже дека граѓаните можат да имаат целосна доверба во системот –  рече Фетаи.