Македонскиот младински репрезентативец Енис Фазлагиќ од денеска и официјално е нов фудбалер на поранешниот полски шампион Висла Краков. Фазлагиќ потпиша четиригодишен договор со Висла која на словачка Жилина и плати 500.000 евра обесштетување.

– Енис е фудбалер со огромен потенцијал и веќе има огромно искуство иако е млад. Тој е играч кој  секогаш сака да е со топката, што секако ќе ни помогне во нашата игра и да ја добиеме потребната агресивност. Тој доаѓа во Висла на целосен трансфер со договор на четири ипол сезони – изјави спортскиот директор на полскиот клуб, Томаш Пасиечни.

Фазлагиќ во кариерата има играно во ФК Скопје, Вардар и Шкендија во мак фудбалот, а од 2018 година го носеше дресот на Жилина.