Конзервативецот Насри Асфура, кој јавно беше поддржан од американскиот претседател Доналд Трамп, е победник на спорните претседателски избори во Хондурас на 30 ноември, објави Националниот изборен совет (Consejo Nacional Electoral / CNE), по неколку недели одложувања, технички проблеми и обвинувања за измама, пренесува Вашингтон пост.

Според соопштението, 67-годишниот Асфура обезбедил 40,3% од гласовите, победувајќи го либералниот кандидат Салвадор Насрала, кој добил 39,5%.

„Народот на Хондурас се изјасни: Насри Асфура е следниот претседател на Хондурас. Соединетите Американски Држави му честитаат на новоизбраниот претседател и со нетрпение очекуваат да соработуваат со неговата администрација за промовирање на просперитет и безбедност на нашата хемисфера“, напиша американскиот државен секретар Марко Рубио во X.

The people of Honduras have spoken: Nasry Asfura is Honduras’ next president. The United States congratulates President-Elect @titoasfura @papialaordenh and looks forward to working with his administration to advance prosperity and security in our hemisphere.

— Secretary Marco Rubio (@SecRubio) December 24, 2025

Изборите беа исклучително нестабилни, а процесот на броење хаотичен. Броењето на гласовите постојано беше запирано и повторно започнувано, во услови на клима на недоверба и меѓусебни обвинувања за измама. Броењето беше доверено на приватна компанија, која наведе технички проблеми, што го влоши сомнежот.

Доналд Трамп го помилува менторот на Асфура, поранешниот претседател на Хондурас, Хуан Орландо Ернандез (2014-2022), во пресрет на изборите, кој отслужуваше 45-годишна затворска казна во САД за трговија со дрога.

Американскиот претседател се закани дека ќе има „последици“ за Хондурас доколку Насри Асфура не победи.

Тензично е во Хондурас, заглави пребројувањето на гласовите, Трамп се заканува: „Ќе платат пеколно скапо ако лажат“