Во Призрен, Косово, била уапсена ќерката на академикот Мехмет Краја, поранешна асистентка на косовската претседателка Јахјага, Греса Краја, за неовластено поседување на наркотични супстанции од типот кокаин, пренесува Индексонлајн.

Таа била уапсена од страна на Единицата за борба против дрога на Косовската полиција на 14-ти јули, по 03:00 часот наутро, во близина на спортски центар во Призрен.

Според полицискиот извештај, обезбеден од Индексонлајн, ќерката на академикот Мехмет Краја, покрај наркотичната супстанца која се обидела да ја скрие, била и под дејство на алкохол со повеќе од 1 промил.

За време на контролата која ја вршеле неколку лица, се вели дека било притворено и лицето Греса (Мехмет) Краја, родена во Приштина, под сомнение за поседување на наркотични средства од типот кокаин.

Поранешната асистентка на Јахјага, била во друштво на тројца други лица, а во новчаникот на еден од нејзините придружници била пронајдена и една доза на дрога од 0.64 грама, за која исто така се сомнева дека е кокаин.

Таа била ослободена и против неа е покрената постапка.