Возачот на Ред Бул, Макс Верстапен, размислува да се пензионира на крајот од 2026 година, пренесува „ЕСПН“. Холанѓанецот е најмладиот дебитант во историјата на Формула 1 и четирикратен шампион.

Неговиот тим, Ред Бул, се мачеше доста од стартот на оваа сезона (како и сите други кои не се од Мерцедес), завршувајќи осми на денешната трка во Јапонија.

По трката, тој беше фрустриран и Би-Би-Си го праша дали приказните за неговото пензионирање се вистинити:

„Точно, размислувам за тоа како за сè друго секој ден. Не е убаво кога мора да се тркаш вака. Тоа е против возењето. Не е ни до позицијата, не ми пречи дали ќе завршам седми или осми или каде било“, рече Верстапен.

Сржта на проблемот е што новите правила на Формула 1 бараат да се направат одредени работи за да се наполни батеријата во секој круг, што предизвикува многу возачи да губат брзина.

Токму за време на трката во Јапонија видовме разлика од речиси 100 км/ч помеѓу Колапинто и Берман, што резултираше со ужасен инцидент.

„Ако престигнете некого во една кривина, нема да имате доволно батерија за следната“, објасни Верстапен.