На европските берзи денеска пораснаа цените на акциите, благодарение на вестите за постепено олабавување на мерките и отворање на европските економии, имајќи предвид дека ширењето на новиот корона вирус забавува но и поради попуштањето на тензиите меѓу САД и Кина.

Лондонскиот „FTSE“ индекс на почетокот од денешното тргување забележа раст од 1,40 отсто и се искачи на 6159 бодови, додека парискиот „CAC“ порасна за 1,50 отсто и сега изнесува 4766 бодови.

Но обемот на тргување од утринава е скромен бидејќи голем број земји меѓу кои и Германија и Шведска, не тргуваат поради празници.

Доброто расположение на пазарите е благодарение на намалувањето на тензиите меѓу САД и Кина бидејќи Вашингтон на чекорите на Пекинг за зацврстување на контролата над Хонгконг не реагираше остро како што очекуваа инвеститорите.

Откако кинескиот парламент минатиот четврток усвои закон за национална безбедност во Хонгконг, се очекуваше остар одговор од Вашингтон. Но пораката на претседателот на САД, Доналд Трамп, во петокот не беше поприлично „блага“.