Кошаркарите на Валенсија вечерва ја продолжи својата долга победничка серија во Евролигата и ја зацврстија својата позиција на второто место на табелата.

Во 30 коло од Евролигата, тимот на тренерот Педро Мартинез го победи тимот на Жалгирис пред своите навивачи со резултат од 91:87, па сега Валенсија има учинок од 20-10, а литванскиот тим го претрпе својот 13 пораз.

Овој резултат ѝ одговара и на Црвена Звезда, која во случај на победа над Баерн би можела да го прескокне Жалгирис на табелата и да влезе во Топ 6, односно во зоната за плејоф.

Олимпија од Милано ја победи Барселона на домашен терен со резултат од 87:84. Италијанскиот тим сега има биланс од 15-15, па продолжува да врши притисок врз тимовите кои ја затвораат зоната за плејоф.

Барса е на 17-13 и направи чекор назад во борбата за директно место во плејофот.

Евролига, резултати:

Фенербахче – Монако 88:70
Макаби Тел Авив – Хапоел Тел Авив (одложено)
Олимпија Милано – Барселона 87:84
Партизан – Дубаи (одложено)
Валенсија – Жалгирис Каунас 91:87
Реал Мадрид – Виртус Болоња 92:84