ЕУ ја пофали Србија за усогласувањето на визниот режим
Еврокомесарката за внатрешни работи Илва Јохансон ја поздрави одлуката на Србија да стави крај на неколкуте безвизни режими до крајот на оваа година и нагласи дека соработката со Србија е клучна во оваа област.
Препорачано
-
1
-
2
-
3
– Усогласеноста со визите е од најголема важност. Среќна сум што можам да заклучам дека Србија веќе го усогласи визниот режим со Тунис и Бурунди. Србија вети дека ќе го усогласи визниот режим со европските и другите земји – рече Јохансон на прес-конференцијата по првиот ден од Министерскиот форум на ЕУ и Западен Балкан за правда и внатрешни работи во Тирана.
Таа се надева дека наскоро ќе може да се сретне со српскиот министер за внатрешни работи, кој не можеше да отпатува за Тирана.
Тема на разговор во Тирана беше ситуацијата долж западнобалканската мигрантска рута и како што беше оценето тоа е заеднички предизвик и заедничка одговорност која треба да се реши со тесно партнерство меѓу ЕУ и земјите од Западен Балкан.
Вториот ден од Министерскиот форум ЕУ-Западен Балкан посветен на прашањата за правосудството ќе се одржи утре.
