ЕРДОГАН ПРОДОЛЖУВА СО „ЧИСТКА“: Турција нареди апсење на 223 воени лица – Слободен печат
ВестиРегион

ЕРДОГАН ПРОДОЛЖУВА СО „ЧИСТКА“: Турција нареди апсење на 223 воени лица

Полицијата во Истанбул, во 53 други турски градови и на Кипар почна рации за апсење на осомничените, а 50 веќе се приведени, се вели во извештајот.

Турските обвинители денеска издадоа  наредби за апсење на 222 војници што служат низ целата земја и во турскиот дел на Кипар, под сомнение дека се  поддржувачи на исламскиот свештеник Фетулах Ѓулен, кој живее во САД, јави турската државна агенција Анадолија.

ДПА пренесува дека според Анкара, Ѓулен, некогашниот соработник на претседателот Ердоган, е главниот инспиратор на неуспешниот пуч во 2016 година од страна на фракција во војската, што тој неколку пати го демантираше.

Полицијата во Истанбул, во 53 други турски градови и на Кипар почна рации за апсење на осомничените, а 50 веќе се приведени, се вели во извештајот. Меѓу осомничените имало војници од копнените, воздушните, поморските и жандармериските сили, како и крајбрежната стража.

Десетици илјади луѓе по неуспешниот воен удар во земјата се отпуштени од државна служба, а повеќе од 30.000 осомничени поддржувачи на Ѓулен се наоѓаат во затвор.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close