„Емоции, гушкање и љубов“: Пронајдено е кучето по кое сопственикот трагаше три недели

Ретривер Лео
Ние сме среќни што Лео е веќе во својот дом и не талка по улиците. Кај нас забележително тагуваше по својот сопственик, велат од „Лајка"/ Фото: Фејсбук, ЈП „Лајка“

Јавното претпријатие „Лајка“ соопшти дека е пронајдено кучето по кое сопственикот трагаше три недели.

– Емоции, гушкање и љубов. Оваа работна недела ја заокружуваме со среќен крај во потрагата на златниот ретривер Лео. Да, овој убавец благодарение на тимот на ЈП „Лајка“ и микрочипот си отиде дома кај својот сопственик. Сликите говорат повеќе од се, а љубовта од најдобриот пријател на човекот е безусловна, соопштија од „Лајка“.

Оттаму посочуваат граѓаните да ги чипираат своите домашни миленици. Само така, доколку се изгубат ќе можат да бидат вратени кај вистинските сопственици.

– Ние сме среќни што Лео е веќе во својот дом и не талка по улиците. Кај нас забележително тагуваше по својот сопственик, велат од „Лајка“.

Извор: МИА

Видео на денот