Легендарниот Вејн Руни се соочува со големи тешкотии на почетокот на својата тренерска кариера.

На почетокот на минатата сезона, Англичанецот го презеде раководството на Дерби Каунти, каде што ја заврши играчката кариера и некако успеа да го спаси поранешниот премиерлигаш од испаѓање во третиот ранг.

На клубот му оди нешто подобро оваа сезона, но Дерби е пред згаснување поради финансиски проблеми.

Месечните загуби изнесуваат повеќе од милион фунти, клубот им должи банките и другите клубови, па на популарните „овни“ им се заканува одземање на голем број бодови.

Банкрот ќе значи минус од 12 бодови, дополнителни девет поради финансии, како и уште 15 доколку не платат една четвртина од долгот кон банките и другите баратели кои не се во светот на фудбалот.

Некои споменуваат згаснување на клубот основан во 1884 година, кој под водство на Брајан Клаф стигна до полуфиналето на Купот на европските шампиони во 1973 година. Фановите се надеваат дека ова сценарио сепак ќе се избегне..