Премиерлигашите се подготвени да донесат решение со кое новата сезона ќе биде прекината доколку состојбата со пандемијата на коронавирусот се влоши.

Според пишувањето на „Гардијан“, работна група од Премиер лигата треба до 3. септември треба да достави предлог со екипите од најсилната англиска лига со уверување дека тие ќе го усвојат.

Според предлогот, во случај сезоната да биде прекината поради пандемијата на коронавирусот, а до тој момент да има одиграно 50 проценти од натпреварите, моментниот распоред би бил прогласен за конечен и на тој начин би биле одредени шампионот како и екипите кои ќе играат во европските купови.

Весникот пипува дека клубовите имаат намера да ја доиграат сезоната до крај, но постои страв од нов бран на пандемијата на коронавирусот кој се очекува за време на зимата.
Изминатата сезона во Премиер лигата беше прекината од средината на март до средината на јуни,а сезоната се доигра летово, а титулата ја освои Ливерпул.