Еден украински војник загина, еден е повреден во судирите со проруските сепаратисти
Овој нов инцидент се случи во пресрет на мировните разговори предвидени да се одржат вечерва меѓу советниците на шефовите на држави на Украина, Русија, Германија и Франција.
Еден украински војник загина, а друг е ранет во судирите со проруските сепаратисти во источниот дел на земјата, во услови на нови тензии со Москва.
„Еден војник е смртно ранет, а друг е хоспитализиран, откако вчера биле погодени од шрапнел при истрел од граната од страна на сепаратистите врз украинските позиции, соопшти денеска украинската армија.
Овој нов инцидент се случи во пресрет на мировните разговори предвидени да се одржат вечерва меѓу советниците на шефовите на држави на Украина, Русија, Германија и Франција.
Украинскиот претседател Володимир Зеленски изрази надеж дека овие разговори ќе овозможат обновување на примирјето на фронтот, по состанокот во петокот со неговиот француски колега Емануел Макрон и германската канцеларка Ангела Меркел.