Еден поранешен тренер на Манчестер јунајтед сам се понудил да го наследи Аморим
Рубен Аморим вчера доби отказ од клупата на Манчестер јунајтед, по што раководството на „црвените ѓаволи“ интензивно почна да бара негов наследник. Според првичните информации, ниту едно од звучните тренерски имиња во светот засега не покажува интерес за клупата на „Олд Трафорд“, но затоа едно еден човек сам се понудил.
Препорачано
Како што објави познатиот фудбалски инсајдер Фабрицио Романо, Оле Гунар Солскјер е заинтересиран повторно да седне на клупата на Манчестер јунајтед и веќе им ги понудил своите услуги на челниците на клубот. Според Романо, за Норвежанецот не е пресудно дали би добил договор само до крајот на сезоната или на подолг рок, единствената желба му е да се врати на „Олд Трафорд“.
🚨🇳🇴 Ole Gunnar Solskjær has shown interest in taking Manchester United job as caretaker manager, regardless of contract length.
Man United, taking their time to assess candidates for the job.
Darren Fletcher will be interim manager this week.
➕🎥 https://t.co/b15UuScYZS pic.twitter.com/NvjHIxvq2i
— Fabrizio Romano (@FabrizioRomano) January 5, 2026
Да потсетиме, Солскјер како фудбалер на Манчестер јунајтед беше дел од златната генерација која освои шест шампионски титули во Англија, а засекогаш ќе остане запаметен по голот во легендарното финале на Лигата на шампионите во 1999 година. Како тренер го водеше Јунајтед од декември 2018 до ноември 2021 година, период во кој стигна и до финалето на Лига Европа.
