Финскиот кошаркарски бисер Мика Муринен, еден од најголемите европски таленти во својата генерација, објави дека по оваа сезона ќе си замине од белградски Партизан и кариерата ќе ја продолжи во американската колеџ-лига, престижното НЦАА првенство.

Ваквата одлука доаѓа во период кога интересот за него и тоа како порасна, особено по настапите на Евробаскет со финската репрезентација. Американските скаути веќе одамна го следат, а неколку универзитети официјално покажале желба да го доведат во своите програми.

Иако многумина очекуваа Муринен рано да замине во САД, тој прво се одлучи за поразличен пат и потпиша за Партизан. Одлука што делуваше невообичаено за играч на негови години, но ја покажа неговата зрелост и самодоверба.

Муринен вели дека е презадоволен од искуството во Евролигата, каде редовно добива минутажа и игра против најквалитетните кошаркари во Европа. Сепак преминувањето од младинска конкуренција директно во елитно европско натпреварување, додава тој, бил огромен, но неопходен предизвик за неговиот развој.

Преземено од: Спорт.ком.мк