Фудбалската репрезентација на Босна и Херцеговина би можела да биде значително ослабена во пресрет на вечерашниот важен натпревар против Катар, јавуваат босанските медиуми.

Според последните информации, неизвесен е настапот на Амар Дедиќ, еден од најважните играчи во составот на селекторот Сергеј Барбарез.

Иако Барбарез во пресрет на натпреварот изјави дека на располагање ќе ги има сите фудбалери, освен суспендираниот Мухаремовиќ, новинарите на босанскиот портал „Кликс.ба“, кои се наоѓаат во САД, тврдат дека ситуацијата не е баш таква.

Дополнителни сомнежи предизвика и фактот што Дедиќ не бил забележан на фотографиите од последниот тренинг на репрезентацијата.

Дуелот меѓу Босна и Херцеговина и Катар е закажан за 21 часот, а на босанската селекција ѝ е неопходна победа за да ги задржи шансите за пласман во следната фаза од натпреварувањето.

ВИДЕО | Мундијалски вести: Бесмртниот Роналдо и докторската дисертација на Карлош Кеирош