Еден ирански фудбалер веќе нема право на влез во САД
Иранскиот репрезентативец Мехди Тораби повеќе нема право на влез во САД. Иран синоќа во Лос Анџелес ремизираше со Нов Зеланд (2-2), а натпреварот беше проследен со низа контроверзии.
Препорачано
За време на мечот се слушаа свирежи при интонирањето на химната, репрезентативците биле дочекани на непријатен начин, а имало и случаи на отстранување на знамиња, што дополнително ја вжешти атмосферата околу натпреварот.
Иранските фудбалери се пожалиле на односот на американските власти, тврдејќи дека биле принудени веднаш по натпреварите да ја напуштаат земјата и да се враќаат во кампот во Мексико, каде што се сместени. Според нив, секојдневниот престој во САД би бил проследен со притисоци и зголемено полициско и воено присуство.
Проблеми имало и пред почетокот на турнирот, кога на дел од репрезентативците им биле одбиени визи. На крајот тие биле одобрени, но со услов да не се задржуваат во земјата по натпреварите и веднаш да се враќаат во Мексико.
Сега се појави нова компликација. Визата на Мехди Тораби важела само за еднократен влез во САД. Бидејќи тој веќе ја искористил при натпреварот во Лос Анџелес, постои голема веројатност да не може да му помогне на националниот тим во наредните натпревари против Белгија (Лос Анџелес, 21 јуни) и Египет (Сиетл, 27 јуни), а можеби и во елиминациската фаза.
„Фудбалскиот сојуз на Иран се обидува да обезбеди нова виза за Мехди Тораби“, соопштија извори блиски до федерацијата.
Во меѓувреме, Тораби засега останува надвор од плановите за натпреварите, а американските власти нема да му дозволат влез без валидна документација. Останува да се види дали ФИФА ќе се вклучи и ќе се обиде да го реши проблемот, иако досегашните околности не одат во прилог на такво сценарио.
ВИДЕО | Контроверзна прослава на Иранецот Мохеби — даде гол, па „пукаше“ со пиштол
ВИДЕО | Уругвајците во САД беа претресувани со кучиња како криминалци
ФОТО | ФИФА направи исклучок по барање на Саудиска Арабија и го промени протоколот со знамињата
