Делта варијантата на коронавирусот, првпат откриена во Индија, значително ќе се прошири низ цела Европа во текот на летото, предупреди во средата Европската здравствена агенција.

Делта варијантата (Б.1.617.2) е 40-60 проценти позаразна од алфа (Б.1.1.7) варијанта на вирусот, откриена за прв пат во Англија, објави Европскиот центар за превенција и контрола на болести (ЕЦДЦ) .

„Многу е веројатно дека варијантата делта ќе се прошири во текот на летото, особено кај помладата популација која не е вакцинирана“, рече директорот на ECDC Андреа Амон.

„Ова може да претставува ризик за ранливите лица кои би можеле да се заразат и да доживеат тешка болест и смрт доколку не бидат целосно вакцинирани“, додаде таа во изјавата.

Научниците од Оксфорд ја анализирале фреквенцијата на реинфекција со оваа варијанта кај луѓето кои го надминале ковид-19, а резултатите беа објавени минатата недела.

Инциденцата беше особено висока кај лица заразени со бета и гама варијанти, што се случија во Јужна Африка..

Но, истражувањето на Оксфорд исто така покажа дека вакцините Pfizer и AstraZeneca се ефикасни против делтата варијанта и обезбедуваат висока 90-процентна заштита од хоспитализација, пренесува Ројтерс.