Ѕвездата од „Полна куќа“ откри дека боледува од рак на јазикот, откако неодамна се опорави од лимфом
Ѕвездата од популарната серија „Полна куќа“, Дејв Кулие откри дека му е дијагностициран рак на јазикот.
Препорачано
Поранешниот актер ја сподели најновата дијагноза во емисијата „Тудеј“, велејќи дека дијагнозата била „шок за системот“. Патем, во април оваа година, тој објави дека го победил лимфомот.
– Тоа е целосно неповрзано со мојот не-Хочкинов лимфом. Ова е нов рак. Реков: „Се шегуваш?“ – открил 66-годишниот актер.
Тој истакна дека лекарите рекле дека тоа може да се должи на присуството на вирусот ХПВ пред 30 години, кој можеби се активирал и се претворил во рак.
Кулие ја нарече својата состојба „многу лечива“ со стапка на излекување од 90 проценти. Третманот, досега, е сосема различен од хемотерапијата што ја претрпел минатата година.
– Докторот рече дека прогнозата е добра, но веднаш ќе започнеме со зрачење. Не се чувствува толку агресивно, но сепак има несакани ефекти – додал Кулие.
Ве потсетуваме дека тој ја сподели својата дијагноза за лимфом во трет стадиум во емисијата „Тудеј“ во ноември минатата година, а во април оваа година откри дека исчезнал.
Ѕвездата од серијата „Полна куќа“ има рак во трет стадиум: „Прифаќам ако ова е крај на мојот живот…“
