Ѕвездата на „Американска пита“ призна: Спиев со 200 мажи благодарение на филмот
Џенифер Кулиџ (60), ѕвездата на филмовите „American Pie“, „Legally Blonde“ и најновата хит серија на HBO „White Lotus“, призна дека имала многу интимни врски по филмската сензација во 1999 година.
„Американска пита“ ѝ донесе голема популарност на актерката и комичарка Џенифер Кулиџ. Таа изјавила дека благодарение на култната улога – мајката на Стифлер, спиела со 200 мажи.
Миленичката на публиката и на ЛГБТ заедницата, рекла дека по филмскиот хит во 1999 година, најмногу ѝ нуделе улоги на секси мајки.
„Имав многу придобивки поради тој филм. Како да кажам, да не беше тој филм немаше да спијам со 200 луѓе. Можеби го добив целото тоа внимание само затоа што луѓето сè уште ме гледаа како мајка на Стифлер или поради мојата улога во „Legally Blonde“. Пред тоа постоеја луѓе до кои не можев да дојдам, а потоа тие ме викаа да бидам дел од нивниот проект“, изјави Кулиџ за „Вариети“.
Имено, за етикетата „MILF“ е одговорен делот од приказната во филмот „American Pie“ во кој Џенифер Кулиџ го заведува другарот на својот син, а потоа има интимни односи со него.
Џенифер Кулиџ рекла дека пред снимањето на серијата „Белиот лотос“ била многу незадоволна од својот изглед бидејќи се здебелила за време на карантинот.
– Не ми се допадна како изгледам, иако Мајк Вајт (режисерот на серијата) ја напиша улогата специјално за мене. Не знаевме дека ќе биде хит. За малку ќе ја пропуштив можноста само затоа што бев убедена дека не изгледам како што треба – рекла Кулиџ.
Поради големиот успех на серијата, актерката ќе се појави и во втората сезона.
View this post on Instagram