Популарното американско списание „Пипл“ секоја година избира „Најсекси маж на годината“, а оваа титула ја доделува на згодни познати личности уште од далечната 1985 година.

Оваа година, ова признание отиде во рацете на актерот Џон Красински, којшто ја освои светската јавност со харизматичната улога во ситкомот „Канцеларијата“ („The Office“).

Но, извор за „Дејли мејл“ открива дека Красински не ѝ бил прв избор на редакцијата. Наводно, тие ги „молеле Глен Пауел и Педро Паскал да ја прифатат титулата, но тие постојано одбивале“.

„Секоја година, списанието има свои преференции за тоа кој треба да ја освои таа титула, но личноста што ја сакаат понекогаш не се согласува да биде дел од тој избор. Дали навистина мислите дека тоа беше нивна желба да го именуваат Патрик Демпси за најсекси маж жив минатата година?“, рекол изворот, пренесува „Дејли мејл“.

„Џон е одлично момче, но во никој случај не беше нивниот првичен избор. Оваа година, списанието во неколку наврати стапило во контакт со Глен Пауел и Педро Паскал за да ја прифатат титулата, но и двајцата одбија. Имаа свои причини за одбивање“, додал изворот.

Изворот појаснил дека „во овој момент на ниту еден од нив не им било важно“.

„Глен сака да има поголемо влијание во актерскиот свет сега кога конечно добива добри улоги и станува поголема ѕвезда. Од друга страна, пак, ова не е нешто што го сака Педро. Иако е поласкан што добива таква титула, според него, ова е само маркетиншки трик“, објаснил изворот.