Џоел Ембид ќе игра за САД на Олимписките игри во Париз
Актуелниот МВП на НБА лигата, Џоел Ембид донесе одлука да игра за кошаркарската репрезентација на САД на следните Летни олимписки игри во Париз 2024.
Оваа информација ја објави познатиот американски новинар Шамс Чаранија на својот Твитер профил.
– Кошаркарот на Филаделфија сиксерс и МВП на НБА лигата, Џоел Ембид одлучи да игра за САД на ЛОИ 2024, извори велат за „Атлетик“ – објави Чаранија.
Ембид избра меѓу САД, Франција и неговиот роден Камерун, а на крајот одлучи да биде дел од „дрим-тимот“ со кој ќе се обиде да го освои олимпиското злато.
Се очекува Американците во Париз да дојдат со силен состав во кој ќе бидат Леброн Џејмс, Стеф Кари, Кевин Дурент, Ентони Дејвис, Џејсон Тејтум, Дрејмонд Грин, а сега и Џоел Ембид.
Philadelphia 76ers and reigning NBA MVP Joel Embiid has decided to play Team USA in the 2024 Paris Olympics, sources tell @TheAthletic @Stadium. Embiid decided among USA, France and Cameroon.
— Shams Charania (@ShamsCharania) October 5, 2023