Американската актерска ѕвезда Џенифер Лоренс во своето ново интервју, меѓу другото, зборуваше за снимањето на  интимните сцени и откри дека повеќе сака да ги снима со луѓе кои не ги познава, пренесува „Пипл“.

За време на разговорот во културниот центар „92NY“, таа се осврна насцените со Роберт Патинсон во филмот „Die My Love“.

„Всушност, беше полесно затоа што Роб и јас не се познававме, што на некој начин е подобро, знаете? Во „The Hunger Games“, Џош Хачерсон и јас моравме да се бакнуваме, а тоа е како … Чудно е и затоа е попожелно да се прави тоа со странец“, изјави таа.

И покрај светската слава, Џенифер Лоренс смета дека глумата сè уште може да биде многу непријатна. Тремата ја совладала така што посетувала часови по танц пред снимањето со Роберт Патинсон.

„Пристигнавме во Калгари околу три недели пред почетокот на снимањето. Роб и јас многу лесно се срамиме и тоа беше понижувачко. Мислам, јас не сум танчерка, но тој е најлошиот танчер“, раскажа таа.

Кога пред снимањето на интимната сцена требало да почнат да се соблекуваат, си рекле:

„Во ред, барем не е танц“.