Непочитуван Мицкоски и вие патетични југоносталгичари од Скопје, мора да разберете – вие сте најлошото нешто што и се случи на Македонија, напиша бугарскиот европратеник Ангел Џамбаски на неговиот Фејсбук-профил, обвинувајќи ја ВМРО-ДПМНЕ дека не разбира оти е во интерес на македонските граѓани да ги почитуваат меѓународните договори и услови.

Вклучувањето на Бугарите во Уставот на Северна Македонија е исклучително важен чекор кон целосна заштита на нивните права – пишува Џамбаски.

Тој додава дека ВМРО-ДПМНЕ, Левица и нивните придружни антибугарски партии отсекогаш биле антиевропски.

Европа не може да си дозволи да прифати или дури да преговара со земја која одбива да ги следи правилата. Затоа, непочитуван Мицкоски и вие патетични југоносталгичари од Скопје, мора да разберете – вие сте најлошото нешто што и се случи на Македонија. Вашата омраза кон #Бугарија🇧 🇬 е проблемот. Омразата на која почива т.н. идентитет. Кулата на лаги и измами се распаѓа затоа што вистината е на наша страна. А тоа е дека Македонија е бугарска- пишува бугарскиот европратеник.