Двајца играчи плус 73 милиони фунти за Погба!
Реал Мадрид е подготвен да понуди 73 милиони фунти плус двајца играчи за услугите на францускиот репрезентативец.
„Кралевите“ нема да се откажат така лесно од намерата да го ангажираат Пол Погба, освен парите шпанскиот гигант до Манчестер јунајтед ги нуди уште Хамес Родригез и Мариано, пренесува британскиот „Мирор“.
Оваа понуда клубот од „Сантјаго Бернабеу“ ќе ја испрати во јануари, останува да се види дали истата ќе ја прифати премиерлигашот.
Французинот Погба сезонава во дресот на „црвените ѓаволи“ досега во Премиер лигата поради честите повреди одигра само пет натпревари.
Колумбискиот интернационалец Родригез веќе долг период се поврзува со трансфер во Премиер лигата. После двегодишната позајмица во Баерн Минхен, сезонава има девет настапи.
Мариано постигна само три голови минатата сезона и нема ниту една одиграна средба оваа сезона. Јунајтед мора да бара нови напаѓачки опции после заминувањето на Ромелу Лукаку и „позајмицата“ на Алексис Санчез во Интер.
Оваа понуда клубот од „Сантјаго Бернабеу“ ќе ја испрати во јануари, останува да се види дали истата ќе ја прифати премиерлигашот.