Роналд Араухо наскоро ќе се врати на тренинзите со Барселона.

Уругвајскиот дефанзивец доби слободни денови од клубот поради тешкиот психолошки период низ кој поминуваше. Араухо се борел со депресија, а утеха и сила пронашол во верата. Дури се споменуваше и можноста дека размислувал да не настапува до крајот на сезоната.

Менталниот опоравок му беше неопходен, а според информациите, токму верата одиграла клучна улога во неговото закрепнување. Араухо поминал неколку дена во Израел, а од клубот истакнуваат дека неговиот опоравок поминал многу успешно.

Откако духовно се стабилизирал, тој ќе биде подготвен да му се врати на фудбалот, но дури откако божиќните празници ќе ги помине со своето семејство.

Првиот натпревар на Барселона по Божиќ  е на 3 јануари против Еспањол, а Араухо би можел целосно да биде подготвен токму за тој дуел.