Досега невидено дело од францускиот импресионистички сликар Пјер-Огист Реноар, кое го прикажува неговиот син Жан, беше продадено за 1,8 милиони евра, на аукција во Париз, Франција, пренесува „Гардијан“.

Сликата со масло „Детето и неговите играчки – Габриел и синот на уметникот, Жан“ („L’enfant et ses jouets – Gabrielle et le fils de l’artiste, Jean“) никогаш претходно не била изложена или продадена.

Припаѓала на кумата на Жан, Жен Бодо, пријателка и ученичка на Реноар, која ја оставила сликата во наследство на своите наследници.

 

View this post on Instagram

 

A post shared by Drouot (@drouot_paris)

Се верува дека е насликана помеѓу 1890 и 1895 година, а на неа е прикажан вториот син на уметникот како седи со својата дадилка.

Жан стана светски познат филмски режисер и доби специјален Оскар за неговиот придонес во филмската индустрија во 1975 година.

Паскал Перен, историчар на уметноста и експерт за сликите на Реноар, изјавил дека ова дело е во исклучително добра состојба и не е подложено на никаква реставрација. Аукциската куќа „Друо“ изјавила дека сликата ја купило лице од странство, но не го откриле нејзиниот идентитет.

Се проценува на 1 милион долари: Слика на Реноар, на која е прикажан син му Жан, ќе биде понудена на аукција