Доналд Трамп помладиот и Бетина Андерсон официјално се венчани. Двојката тајно се венчала на граѓанска церемонија пред раскошната свадбена забава престојниот викенд на Бахамите.

Според венчалниот лист до кој дојде „ТМЗ“, Доналд Трамп помладиот и Бетина Андерсон ги завршиле потребните законски формалности во четврток во округот Палм Бич.

Документот бил потпишан од заменик-служник на округот, со што се комплетирани условите за церемонијата да се одржи на приватен остров на Бахамите. Свадбата ја водеше Бред Мекферсон, адвокат за недвижности кој со години работи со семејството Трамп.

Според „ТМЗ“ ова е формалност што двојката морала да ја заврши пред да се венча надвор од САД. Во документите исто така се наведува дека Бетина, барем засега, нема законски да го промени презимето во Трамп.

Двојката планира да размени завети пред мал број членови на семејството и блиски пријатели за време на приватна прослава на Бахамите овој викенд. Сепак, американскиот претседател Доналд Трамп, кој претходно објави дека нема да присуствува на свадбата на својот син, нема да биде меѓу гостите.

Доналд Трамп Помладиот се сврши со Бетина Андерсон, ова е трета свршувачка за синот на американскиот претседател