Американскиот претседател Доналд Трамп соопштил дека неговиот најстар син, Доналд Трамп Помладиот, се свршил со Бетина Андерсон, дама од високите кругови во Палм Бич, објави „Њујорк тајмс“.

Според весникот, Трамп ја објавил веста за време на празнична забава во Белата куќа. Агенцијата „Ројтерс“ наведува дека засега не успеала да стапи во контакт со претставник на Доналд Трамп Помладиот за коментар.

Да потсетиме, ова е трета свршувачка за Доналд Трамп Јуниор. Тој претходно беше во брак со Ванеса, поранешна манекенка и актерка, со која помина 12 години и со која има пет деца. Ванеса поднесе барање за развод во 2018 година. Подоцна, Трамп Јуниор беше свршен и со Кимберли Гилфојл, американска телевизиска личност.

Според медиумските извештаи, Трамп Помладиот и Андерсон се во врска околу една година. Минатиот месец тие заедно патувале во индискиот град Удајпур, каде што присуствувале на свадбена свеченост.