Најстрашно е што кога ќе се вклучи „црвеното“ (а не е реткост ниту „виолетовото“) предупредување – нема многу што можете да направите за да се заштитите. Д-р Снежана Рсовац, пулмолог, за „Нова.рс“ дава неколку насоки како да се однесувате во овие услови.

Избегнувајте одење во време на најголемо загадување

„Познато е дека најголема концентрација на штетни честички во вазухот има во раните утрински часови и навечер. Затоа, избегнувајте пешачење и какви било активности надвор во тоа време“, советува д-р Снежана Рсовац.

Доктор Рсовац препорачува да ја следиме концентрацијата на загадениот воздух на релевантните апликации и веб-страници, кои ги покажуваат жариштата, но и во деловите од градовите во кои живееме. Во однос на овие информации, треба да се прилагодат и активностите на отворено.

Направете накратко промаја во домот

Дома не би било лоша идеја да имате прочистувач на воздухот, но важно е да го изберете оној кој е најдобар против загадувањето, а тоа не е воопшто мала инвестиција. Освен тоа…

„Секако дека мораме да ги проветруваме становите дури и кога надвор има смог. Најдобро е накратко да направите промаја и да се оддалечите од директното влијание на воздухот“, вели д-р Рсовац.

Дали треба да се носат маски надвор?

Маските, како што вели д-р Рсовац, не помагаат целосно, но не штетат.

„Тие маски не можат целосно да ги спречат малите честички да навлезат во респираторниот тракт, но се своевидна механичка бариера. Многу е важно маската да е сува. Таа не смее да биде влажна за да нè штити.“

Особено ранливите групи

Докторката зборува и за тоа кои високоризични групи треба да обрнат посебно внимание во овие денови на висока загаденост.

„Тоа се астматичари, пациенти со хронична опструктивна белодробна болест и кардиоваскуларни пациенти.