Дојави за поставени бомби во неколку скопски училишта денеска биле испратени на електронската адреса на Министерството за внатрешни работи, а како што соопштија од МВР, полицијата по проверката утврдила дека се работи за лажни дојави за поставени експлозивни направи.

„Денеска (29.04.2026) на електронска адреса на Министерството за внатрешни работи е добиена порака со закана за поставени експлозивни направи во повеќе училишта во Скопје. Веднаш по добиената пријава преземени се соодветни мерки и активности од страна на полициски службеници во внатрешноста и околу училиштата, при што е утврдено дека станува збор за лажна дојава за поставени бомби“ соопшти МВР.