Директорот на Централната разузнавачка агенција на САД (ЦИА), Џон Ретклиф, престојувал во Хавана каде одржал средби со претставници на кубанското Министерство за внатрешни работи, објави „Си-ен-ен“.

Кубанските власти потврдија дека посетата била организирана по барање на американската страна, а разговорите биле фокусирани на безбедносната и полициската соработка меѓу двете држави.

За време на средбите, кубанската страна порачала дека островот „не претставува закана за националната безбедност на САД“.

Вашингтон засега официјално не ја коментира посетата

Посетата доаѓа во период на силен американски притисок кон Куба. Островот со месеци се соочува со тешка енергетска криза, масовни рестрикции на струја и растечки протести, додека администрацијата на Доналд Трамп дополнително го засили притисокот врз Хавана преку санкции и ограничувања за испорака на гориво.

Само неколку дена претходно, Трамп изјави дека САД и Куба „ќе разговараат“, иако претходно се закануваше со дополнителни мерки против кубанските власти.

Дополнително внимание предизвика и американски владин авион кој бил забележан на аеродромот „Хозе Марти“ во Хавана непосредно пред кубанските власти официјално да ја потврдат посетата.

Кубанците се мислат да прифатат помош од Америка, која и ги доведе во ситуација да им треба помош