Хрватскиот шампион Динамо Загреб, за кого настапуваат и македонските репрезентативци Аријан Адеми и Стефан Ристовски го претстави проектот за нов стадион кој ќе има капацитет од 34.000 седишта, а неговата изградба треба да чини 60 милиони евра.

На најдобриот хрватски тим кој игра одлично во европските купови, а притоа заработува одлично и од продажбата на своите фудбалери, единствена замерка му се дава поради стадионот „Максимир“ чија состојба е катастрофална.

Поради тоа челниците на клубот го зголемија притисокот врз градот Загреб да го забрза проектот за изградба на стадионот кој ќе биде и дом на репрезентацијата. Клубот е подготвен заедно со градот да ја финансира изградбата на новиот „Максимир“ и денеска го претставија новиот стадион.
Новиот „Максимир“ треба да има капацитет од 34.000 седишта, а неговата изградба треба да чини 60 милиони евра.