Денеска украинскиот фудбалски клуб Динамо Киев ја извести јавноста дека позајмицата на Решат Рамадани (22) во Шкендија е продолжена.

Играчот од средниот ред ќе продолжи да игра за тетовските „црвено-црни“ и во следните шест месеци со право да игра и во европските купови.

Ова е трета последователна позајмица меѓу двата клуба за Рамадани и четврти договор вкупно меѓу Шкендија и Динамо Киев, вклучувајќи го и трансферот на играчот во Украина во март 2023 година. Првично, во јануари 2024 година, Рамадани се врати во својот матичен клуб на едногодишна позајмица, додека во текот на летото, по квалификациите за фазата од Конференциската лига на УЕФА, соработката беше продолжена до декември.

Досега оваа сезона во Првата македонска лига, Рамадани запиша 10 настапи и еден гол во домашната победа над Башкими (2:1).

ФК Шкендија ќе го одигра последниот контролен натпревар во рамките на подготвителната фаза во Анталија, Турција, во недела.

Во четвртиот и последен дуел од овој циклус, играчите на Јетон Беќири со почеток од 14.00 часот по македонско време ќе се соочат со екипата од Казахстан, Ордабаси.

Оренда Решата Рамадані у «Шкендії» продовжена 📑

22-річний північномакедонський півзахисник «Динамо» Решат Рамадані продовжить виступати за свій рідний клуб – «Шкендію».

🤝 Клуби досягли згоди про продовження оренди півзахисника до кінця сезону 2025/2026 років. pic.twitter.com/lRlVNt89GO

— FC Dynamo Kyiv (@DynamoKyiv) February 1, 2026